Ерекше ұрлық: Атырауда жедел жәрдем көлігінде сөйлей алмай жатқан адамның заттарын көзінше алып кеткен

Атырау тұрғыны ерекше ұрлық жасағаны үшін сотталды. Ол зардап шеккен адамның туысымын деп таныстырып, онымен бірге жедел жәрдем көлігімен ауруханаға барған. Кейін оның заттарын алып кетіп қалған, деп хабарлайды Orda.kz «Ақ Жайық» басылымына сілтеме жасап.

Оқиға дүкен маңында болған. Бірнеше адам ер адамды жерге құлатып, ұрып-соққан. Оқиға куәгері жедел жәрдем шақырған.

Медицина қызметкерлері келген кезде оқиға орнында болған ер адам өзін зардап шеккен азаматтың ағасымын деп таныстырып, онымен бірге көлікке мініп, ауруханаға барған.

Таяқ жеген ер адам есін білген. Алайда алған жарақатына байланысты сөйлей алмай, медицина қызметкерлеріне қасындағы адамның өзіне ешқандай туыстығы жоқ екенін түсіндіре алмаған.

Ауруханада пациентті ғимарат ішіне кіргізіп жатқан кезде оның «ағасы» зардап шеккен азаматтың iPhone 13 телефонын, AirPods құлаққабын, рюкзагын және 25 мың теңгесін алып тайып тұрған.

Келтірілген шығын көлемі 382 мың теңге болған.

Оқи отырыңыз:

• «Қазатомөнеркәсіп» Қытай мен Ресейге уран сату бойынша екі ірі мәміле жасайды
• Дастан Сәтбаев «Бернли» құрамында алғаш сұхбат берді: Жаңа рекордтар орнатамын