Ербаянның отбасы шетелдегі клиникаға қаражат табуға көмек сұрайды

Orda.kz ұлттық нейрохирургия орталығы Ербаян Мұхтарды жарты жылдан астам жансақтау бөлімінде жатқаннан кейін үйіне шығарғанын, оны ешбір аурухана тіркеуге және мүгедек ретінде есепке алмай отырғанын  жазған болатын. Оның ата-анасы бірнеше күннің ішінде қазақстандықтар Ербаянның емделуіне қажетті қаражатты жинап бергенін айтып разы екенін білдірді. 

Бұл туралы олар Ербаян Мұхтардың instagram парақшасында жариялады.

Ербаянның отбасы халықтың қолдауына шексіз алғысын білдірді.

«Ербаянның ата-аналар көз жасына ерік берді. Мұнша қолдау бүкіл ұжымды таң қалдырды. Сөзіміз жоқ! Халық мемлекет талай айдың ішінде жасай алмаған істі санаулы күнде орындады» делінген жазбада.

Алайда, оларды санитарлық авиацияның құны 25-60 миллион теңге тұратыны және емделудің нақты шығындары белгісіз болғаны алаңдатып отыр. Осыған байланысты, Ербаян дамыған елдерде ем алар болса қосымша қаражат қажет болуы мүмкін.

Отбасы медициналық мекемелер мен дәрігерлерді іздеуде кеңес сұрайды. Олар емге қатысты ұсыныстарымен медициналық мекемелермен байланысқа шығуға тырысып жатыр.

Еске сала кетсек, Orda.kz Ұлттық ұлан жансақтау бөлімінен шыққан сарбазға қалай көмектеспек болып жатқанын жазған болатын.