Ұлттық ұлан жансақтау бөлімінен шыққан сарбазға қалай көмектеспек?

Orda.kz ұлттық нейрохирургия орталығы Ербаян Мұхтарды жарты жылдан астам жансақтау бөлімінде жатқаннан кейін үйіне шығарғанын, оны ешбір аурухана тіркеуге және мүгедек ретінде есепке алмай отырғанын жазған болатын.

Қазір ауыр жарақат алып, жансақтау бөлімінен шыққан қатардағы Ербаян Мұхтар мүгедектік құжатын рәсімдеуге дайындалып жатыр.

Оның жарақат алу фактісі бойынша ҚР ҚК 440-бабының 3-бөлігінің 4-тармағымен  жарғылық ережелерді бұзу арқылы денсаулығына ауыр зиян келтіру фактісімен қылмыстық іс қозғалды.

Ербаянның жақындары тергеу ісінің тоқтап тұрғанына наразы болған. Ал осы жолға мәлімдемесінде ІІМ тергеу барысы қатаң қадағалауда тұрғанын айтты.

Біз бұл мәселені көтерген соң денсаулық сақтау министрлігі мен Ұлттық ұланның әскери-медициналық басқармасы Ербаянның мүгедектігін рәсімдеуге көмектесіп жатыр. Сонымен қатар, Ұлттық ұлан Ресейдің медициналық институттарына және Түркия елшілігіне кеңес алу мен ауруханаға жатқызу мәселесі бойынша өтінішпен жүгінді.

Еске сала кетсек, Orda.kz тілшісі Ербаянның жақындарының уәжін тыңдап қайтқан болатын.