Елшілік Түркияда жүрген Қазақстан азаматтарына үндеу жолдады

Стамбұл мэрінің тұтқындалуы мен қала көшелеріндегі тәртіпсіздіктің күшеюі салдарынан Республика елшілігі азаматтарымызға ескерту жасады, деп хабарлайды Orda.kz.

Қазақстандықтардан адамдар көп жиналатын жерлерге барудан бас тарту, шерулер мен митингілерге  қатысудан бас тарту, сондай-ақ күшейтілген қауіпсіздік шараларын сақтау сұралды.

Сондай-ақ қазақстандықтарға әлеуметтік желілерде демонстрациялар мен митингілер туралы қандай да бір ақпаратты таратпау және болып жатқан оқиғаларға қатысты өз пікірлерін жарияламау ұсынылды.

Қазақстанның Түркиядағы шетелдік мекемелерінің жедел желілерінің телефондары:

• Анкарадағы ҚР Елшілігі +905352734496.

• ҚР Стамбұлдағы Бас консулдығы +905012621465.

• ҚР Анталиядағы Бас консулдығы +905394400522.

• Измирдегі ҚР Бас консулдығы +905530998789.

Бүгін 23 наурызда Стамбұл қылмыстық соты Стамбұл қаласының мэрі Экрем Имамоглуды қамауға алды. Оның абақтыда қанша мерзім болатыны әзірге белгісіз. 

Оның 19 наурызда тұтқындалуы жаппай наразылық акцияларын тудырды. Демалыс күндері билік қауіпсіздік шараларын күшейтті, бірақ митингілер жалғасып жатыр.

Түркияда Стамбұл мэрі Экрем Имамоглу мен оның серіктестерінің ұсталуына қарсы жалғасып жатқан жаппай наразылықтар салдарынан  Стамбұл биржасының индексі жылдам төмеп кетті.

Еске салсақ, Түркияда президент Режеп Тайып Ердоғанның басты оппозициялық қарсыласы Стамбұл мэрі Экрем Имамоғлу ұсталғаннан кейін жаппай наразылықтар басталған болатын.