Еліміздің төрт боксшысы Әлем чемпионатының финалына өтті

13 желтоқсанда қазақстандық боксшылар Дубайда өтетін 2025 жылғы әлем чемпионатында Халықаралық бокс қауымдастығының атынан финалдық жекпе-жек өткізеді, деп хабарлайды Orda.kz.

Финалға Сәкен Бибосынов (54 келі), Оразбек Асылқұлов (57 келі), Абылайхан Жүсіпов (71 келі) және Сабыржан Аққалықов (75 келі) қатысады.

Финал кестесі (Астана уақытымен):

18:30 54 келі. Сәкен Бибосынов - Вячеслав Рогозин (Ресей);

18:45 57 келі. Оразбек Асылқұлов - Хусравхон Рахимов (Тәжікстан);

19:45 71 келі. Абылайхан Жүсіпов - Сергей Колденков (Ресей);

20:00 75 келі. Сабыржан Аққалықов - Исмаил Муцольгов (Ресей);

Трансляция Халықаралық бокс қауымдастығының (IBA) ресми YouTube-арнасында көрсетііледі.

Бұған дейін Қазақстан бокс федерациясы Халықаралық бокс қауымдастығы (IBA) ұйымдастыратын  3–13 желтоқсан аралығында Дубайда өтетін әлем чемпионатына қатысатын ұлттық құраманың тізімін жариялады.

Оқырмандар үшін тізімді тағы да бір рет еске салуды жөн көрдік:

Теміртас Жүсіпов (48 келі);
Даниял Сабит (51 келі);
Сәкен Бибосынов (54 келі);
Оразбек Асылқұлов (57 келі);
Серік Теміржанов (60 келі);
Ертурған Зейнүлинов (63,5 келі);
Санатәлі Толтаев (67 келі);
Абылайхан Жүсіпов (71 келі);
Сабыржан Аққалықов (75 келі);
Ерасыл Жақпеков (81 келі);
Дәулет Төлемісов (86 келі);
Нұрмагамед Юсупов (92 келі);
Нұрлан Сапарбай (92 келіден жоғары).

Есте болса, тамыз айында Таиландтың Бангкок қаласында өткен World Boxing ұйымы ұйымдастырған жастар арасындағы Азия чемпионатында Қазақстан боксшысы Құралай Егінбайқызы алтын медаль ұтып алды.