Қазақ қызы бокстан Азия чемпионатында алтын ұтты

Таиландтың Бангкок қаласында өткен World Boxing ұйымы ұйымдастырған жастар арасындағы Азия чемпионатында Қазақстан боксшысы Құралай Егінбайқызы алтын медаль ұтып алды, деп хабарлайды Orda.kz Қазақстан бокс федерациясына сілтеме жасап.

ҚР Бокс федерациясы Instagram парақшасында спортшының жеңісі туралы мәлімдеді.

Финалдық жекпе-жекте 80 келіге дейінгі салмақ дәрежесінде 19 жасқа дейінгі спортшылар арасында Егінбайқызы үндістандық Критика Васанмен кездесіп, төрешілердің бөлек шешімімен жеңіске жетті.

Осылайша, Құралай Егінбайқызы аталған турнирде Қазақстанға алғашқы алтын медальді алып келді.

Тағы бір қазақстандық боксшы Аяжан Ермек 57 келіге дейінгі салмақта финалда үндістандық Мусканнан жеңіліп, күміс жүлдегер атанды.

U19 жас категориясында Азия чемпионатын қола жүлдемен аяқтаған спортшылар:

Айым Таңқыбаева (51 келіге дейін)
Жанель Имантайева (54 келіге дейін)
Алина Құдайгенова (60 келіге  дейін)
Ақбота Есімбекова (65 келіге дейін)
Сабина Жақсылық (80 келіге жоғары).

Бұл нәтиже — жас қазақстандық спортшылардың халықаралық аренада жоғары деңгейде өнер көрсетіп жатқанын дәлелдейді.

Қазақстанда туризм және спорт министрінің бұйрығымен  146 спорт түрі бойынша спорттық жарыстарға қатысудың ең төменгі жасы бекітілді.

Ұлттық Олимпиадалық комитеттің мәліметінше, АҚШ-тың Колорадо-Спрингс қаласында World Boxing халықаралық бокс федерациясының Конгресі өтті. Жиын барысында Қазақстанның бокс федерациясы Лос-Анджелестегі Олимпиада ойындарына іріктеу турнирі ретінде cаналатын 2027 жылғы әлем чемпионатын  өткізуге өтінім берді.