Еліміздің 12 қаласында ауаның ластануы жоғары 

Синоптиктер бүгін, 2026 жылғы 1 ақпанда Қазақстанның он екі қаласында ауаның ластануы жоғары екенін ескертеді, деп хабарлайды Orda.kz.

2026 жылғы 1 ақпанда Қостанай, Көкшетау, Павлодар, Қарағанды, Теміртау, Өскемен, Семей, Риддер, Ақтөбе, Алматы, Астана қалаларында, түнде Петропавл қаласында ауа ластануының қолайсыз метеорологиялық жағдайлар күтіледі.

Қолайсыз метеорологиялық жағдайлар - атмосфералық ауаның жер бетіндегі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (нашар ауа, әлсіз жел, тұман) жиынтығы.

Қолайсыз метеорологиялық жағдай кезінде қала тұрғындарына таза ауада көп жүріп, әсіресе автотрассаларға немесе басқа да ластану көздеріне жақын жерде аз жүру ұсынылады.

Ал өкпенің созылмалы ауруларымен, жүрек-қан тамыры, аллергиялық аурулармен ауыратын адамдарға ашық ауада жүрген кезде өздерімен бірге қажетті дәрілік препараттарды алып жүру қажет.

Еске салсақ, 2023 жылы  Алматы ауа ластануы бойынша рекорд жаңартты.  Сол жылы әсіпорындар Алматы атмосферасына 44 мың тонна ластаушы зат шығарды. Өткен жылмен салыстырғанда бұл көрсеткіш 6%-ға немесе өсіп, 2020 жылдан бері ең жоғары көрсеткіш болды.

Барлық шығарындылардың жартысына жуығы күкірт диоксиді (SO2) – 20,2 мың тонна болды. Қалалық ЖЭО Екібастұздың күлді көмірін көп мөлшерде пайдаланады. Ол жанғанда аталған зат көп мөлшерде түзіледі. Тағы 36% азот оксидтері (NO2) - 8,7 мың тонна және суспензиялы бөлшектер - 7 мың тонна, көміртегі тотығы (СО) шығарындылары - 5,7 мың тонна (13%). Аталған заттардың барлығы да көмірдің жанғыш өнімдері.

Оқи отырыңыз:

• Түтін тұншықтырды: Алматы аспаны зиянды шығарындылардан арылмай тұр  
• Алматының жыр болған лас ауасы Джо Роганның подкастында айтылды
• Алматы әлемдегі ең лас 10 қаланың қатарына қосылды