Еліміздегі республикалық киноқауымдастық кастинг өткізеді

Бір уақытта елдің 19 қаласында киноактерлерге арналған ірі кастинг ұйымдастырылады, деп хабарлайды Orda.kz.       

Қазақстан киносы күніне орай республикалық деңгейдегі үлкен кастинг өтеді.

15 қыркүйек күні сағат 11:00-ден 19:00-ге дейін мәдениет мекемелерінің базасында бір мезетте еліміздің 19 қаласында үміткерлерді іріктеу жүргізіледі.

Кастингке қатысуға 18 жастан бастап рұқсат етіледі.

«Актерлердің тәжірибесі көрсетіп отырғандай, мұндай жобаларға қатысу кәсіби кино жолының бастауы бола алады. Мысалы,  «Ойынқұмар»   фильмінде басты рөлді сомдаған Гөзел Жан, Канн фестивалінде  «Айка»   фильмі арқылы жүлде алған Самал Есләмова және « Адам және алма»   фильмінде басты рөлде ойнаған Марат Әбішев – осындай кастингтерден өткен тұлғалар. Іріктеуден өткен үміткерлер Ұлттық киноны қолдау мемлекеттік орталығының актерлер базасына енгізіледі және болашақ кино жобаларға қатыса алады», – деді орталық басқарма төрағасы Құрманбек Жұмағали.

Іріктелген кандидаттардың анкеталары www.kazakhcinema.kz  ресми сайтында, актерлердің онлайн-базасы бөлімінде орналастырылады. Бұл база продюсерлер мен кинокомпаниялардың жаңа актерлерді табуына мүмкіндік береді.

Биыл елімізде  «Алтын Орда» атты тарихи сериалдың түсірілімі басталатыны хабрланған болатын. Сериал Жошы ұлысының 800 жылдығына арналады.

 
Сондай-ақ, «Қазақфильм» киностудиясында «Қазақанимацияны» астыртын Астанаға көшіру жайлы дау туып,  «Қазақфильм» аумағындағы жерлерді сату жайлы сыбыс тарағанын  мына жерден оқыңыз.