Елімізде 400-ден аса жеке емшара кабинеті лицензиясыз қызмет көрсеткен

ҚР ДСМ 1900 жеке емшара кабинетінің 408-і тиісті лицензиясыз медициналық қызмет көрсеткенін анықтады, деп хабарлайды Orda.kz. 

Жүргізген тексеру нәтижесінде 270 емшара кабинеті өз қызметін ерікті түрде тоқтатты. Сонымен қатар, 116 нысанға қатысты жоспардан тыс тексеру басталды.

Министрлік жүргізген тексеру нәтижесінде  емшара кабинеттерінің медициналық қызметті лицензиясыз жүзеге асыруын, санитарлық-эпидемиологиялық талаптарды сақтамағанын, дәрілік заттарды сақтау шарттары бұзығанын, шұғыл медициналық көмек көрсетуге арналған қажетті жиынтықтардың болмағанын анықтады.

Емшара кабинеттеріне 147 әкімшілік хаттама толтырылып, жалпы 16 млн теңгеден астам айыппұл салынды.

Оқи отырыңыз:

• Санжар Боқаев бұлтартпау шарасымен екі айға қамалды
• Мүлкін иемденгісі келген: Павлодарда әйелін әдейі суға батырып өлтірген ер адам сотталды
• 1-сыныпқа құжат қабылдау мерзімі өзгерді