Мүлкін иемденгісі келген: Павлодарда әйелін әдейі суға батырып өлтірген ер адам сотталды

Павлодар сотында пайдакүнемдік ниетпен әйелін өлтірген ер адамға үкім шықты, деп хабарлайды Orda.kz. 

Соттың мәліметінше, ер адам мен оның жұбайының арасында құны 125 миллион теңгеден астам коммерциялық кәсіпорынның меншігіне байланысты ұзақ уақыт бойы мүліктік жанжал болған. Әйел ажырасуға шешім қабылдаған.

Ал күйеуі ЖШС жұбайының меншігі болғандықтан, бар байлығынан айырылып қаламын деп қорыққан. 2024 жылдың тамыз айында ер адам пайдакүнемдік ниетпен әйелінің дүниесіне мұрагер болып қалу үшін оны өлтіруге шешім қабылдайды. Ер адам әйелімен өзенге барып, қайыққа отырады. Қаскөй әйелін қайықтың шетіне отырғызып, кенеттен қайықты тербеткендіктен, әйел тепе-теңдігін жоғалтып, суға құлап кеткен. Ер адам әйелінің шашынан ұстап, суға қалқып шықпауы үшін оны батыра бастаған. Әйел сол жерде көз жұмды.

Сот бұл қылмыстың аса ауыр қылмыстар санатына жататынын мәлімдеп, ер адамды 15 жылға соттады.

Оқи отырыңыз:

• Сапасыз жолдан көлігіңіз сынса — «ҚазАвтоЖол» ақы төлейді
• Алматыда заңгер Молдахан Әділетханның ұсталғанын полиция растады
• Израильде терроризм үшін сотталғандарға өлім жазасын кесетін заң қабылданды