Елімізде 11 қазаннан бастап дүкендерге жаңа ереже енгізіледі

Сауда орындарына бөліп төлеу кезіндегі артық төлемді көрсету міндеттеледі, деп хабарлайды Orda.kz.       

Енді сатушылар екі бағаны көрсетуге тиіс болады, бірден төлеу кезіндегі баға және бөліп төлеу арқылы сатып алу кезіндегі баға. Бұл талап кәдімгі дүкендерге де, интернет-дүкендерге де қатысты. Сонда сатып алушы алдын ала «тегін»  бөліп төлеу үшін қанша артық төлем жасайтынын көре алады.

Жаңа ереже Сауда министрлігінің қаулысында бекітілген.

Онда басқа да өзгерістер көрсетілген:

• сөрелердің кемінде отыз пайызы қазақстандық өндірістегі тауарлармен толтырылуы керек;
• жалдау ақысын жылына бір рет қана көтеруге болады және бұл туралы жалға алушыларға алты ай бұрын ескертілуі тиіс;
• базарларда шағымдар мен ұсыныстар үшін QR-кодтар пайда болады;
• әлеуметтік маңызы бар азық-түліктерді сату үшін қажет құжаттардың тізімі бекітілген.

Бұған дейін билік тіпті үш бағаны — қолма-қол төлеммен, несиеге және бөліп төлеуге — көрсетуді талқылаған еді. Алайда әзірге екі бағамен шектелді.

2024 жылы электрондық сауда нарығының көлемі Т3,16 трлн болды,  стратегиялық жоспарлау және реформалар жөніндегі агенттіктің ұлттық статистика бюросына осындай мәлімет болды.