Бір жылғы еліміздегі электрондық сауда нарығы Т3 трлн-нан асты

2024 жылы электрондық сауда нарығының көлемі Т3,16 трлн болды, деп хабарлайды стратегиялық жоспарлау және реформалар жөніндегі агенттіктің ұлттық статистика бюросына сілтеп Orda.kz.        

«2024 жылы ішкі нарықтағы бөлшек сауданың жалпы көлеміндегі электрондық сауда үлесі 14,1%  болды. Нарық көлемі Т3 156,4 млрд, оның ішінде: маркетплейстер - Т2 679,8 млрд, жеке интернет-ресурстарындағы сауда - Т476,5 млрд» деп жазылған таратылған ақпаратта. 

Маркетплейстер арқылы телефондар мен гаджеттер (27,4%), тұрмыстық техника (13,3%), киім, аяқ киім, спорт тауарлары (10,3%), жеке интернет-ресурстар арқылы - көбірек косметика, парфюмерия (22,4%), тұрмыстық техника (13,4%), дәріхана тауарлары (11,8%) сатылды.