Елді екеулеп басқарғыларыңыз келе ме? Қырғыз басшысына қойылған сұрақ
Фото: «Кабар» ақпарат агенттігі
Қырғызстан президенті Садыр Жапаров саяси серігі Қамшыбек Ташиевтың қызметінен кету себебін түсіндірді. Сонымен қатар, сайлаудан кейін елді кім басқаратыны туралы ел ішінде тараған қауесеттерге жауап берді, деп хабарлайды Orda.kz.
Қырғыз ұлттық «Кабар» ақпарат агенттігінің директоры Медербек Шерметалиев Садыр Жапаровтан қоғамда бүгінде ең көп талқыланып жатқан мәселелердің бірі – министрлер кабинеті төрағасының орынбасары – ҰҚМК төрағасы Камчыбек Ташиевтің отставкасы туралы сұрады.
Президенттің айтуынша, Қамшыбек Ташиевтің атын жамылған адамдар қоғамға іріткі салғысы келген. Жогорку Кенеште кейбір депутаттық топтар депутаттарды жинап, әрқайсысынан «Жапаров жақтасың ба?», «Ташиев жақтасың ба?» деп сұрақтың астына алған.
«Бұндай бөліну «ақсақалдарға» да жеткен. Олар «Жогорку Кенеш жақын арада мерзімінен бұрын сайлау жариялайды» деп халықты жаңылыстырып, қол жинай бастаған», — деді Жапаров.
Қырғыз президенті дер кезінде шешім шығарылмағанда бұл жағдай қарапайым халыққа да жетіп, ел екіге бөлінуі мүмкін екенін айтты.
«Шешім қабылдар алдында досыма қоңырау шалып, жағдайды түсіндіріп, қызметтен босататынымды айттым. Менің ойымша, осы жедел шешім арқылы мен керісінше досымды сақтап қалдым. Өйткені оның жанындағы адамдар, оларды «ақсақал» дейміз бе, әлде басқаша атаймыз ба, бәрібір, оны дұрыс жолдан тайдырып тынатын еді», — деді президент.
Қазірдің өзінде қырғыздар арасында «Жапаровтың командасы», «Ташиевтің командасы» деген ұғымдар пайда болған. Тіпті ел ішінде «енді Ташиев президент болуы мүмкін» деген сыбыс тараған. Тіпті, Медербек Шерметалиев Жапаровтан «елді екеулеп басқарғыларыңыз келе ме?» деп сұрады.
Жапаров мемлекетті кім басқаратынын бір топ адам емес, халық шешетінін баса айтты.
«Конституция бойынша әр азамат сайлауға қатысуға құқылы. Президент болып халық сенім білдірген, рейтингі жоғары адам сайланады. «Бір мерзім – анау, бір мерзім – мынау» деген әңгіме демократиялық қағидаттарға қайшы келеді және халықтың таңдау құқығын жоққа шығару болады», — деді ол.
Жапаров Ташиевтың қызметтен кеткенімен арадағы достық қарым-қатынасы сақталып қалатынын баса айтты.
Оқи отырыңыз:
- Садыр Жапаров Конституциялық сотқа жүгінді
- Жапаров пен Рахмон мемлекеттік шекара туралы келісімге қол қойды
Жаңалықтар
- Тарбағатай – Аягөз жолындағы «1 млрд теңгелік заңбұзушылық» туралы мәлімдемеге «ҚазАвтоЖол» жауап берді
- Зейнет жинағы бойынша ең бай болашақ зейнеткерлер белгілі болды
- Сайлауда жалған ақпарат таратқандар жазаланады
- Тасмағамбетовпен бірге қызмет еткен бұрынғы шенеунік халықаралық іздеуге жарияланды
- «Еркіндік қанаты» қоғамдық қоры сайлауды бақыламау туралы шешім қабылдады
- ЖСДП Құрылтай сайлауына 33 кандидат тізімін бекітті
- «Миы шайқалып, ауруханаға түскен». Боксшы Теміртас Жүсіповтің әйелі күйеуімен татуласқанын айтты
- Мемлекет сотталған Жанабыловтардың сегіз көлігін өз балансына алды
- Тоқаев дипломатиясы: Euronews медиажелісінде Орталық Азия халықтарының ішінде алғашқы болып қазақ тілі қолданысқа енеді
- Павлодарда жедел жәрдем 76 жастағы әйелді қағып кетті
- Талғат Алдыбергенов ҚТЖ басшысы қызметінен кетті
- ҰҚК статистикасында парақорлық көш бастап тұр
- Иран БАҚ-тары Ормуз бұғазындағы Кешм аралында жарылыстар болғанын хабарлады
- Аргентина Мысырды жеңіп, ширек финалға шықты: Месси есепті теңестірді
- Канада Украинаға 900 миллион доллар көлемінде жаңа қолдау пакетін жариялады
- Тамара Асар мен Аша Матай ҚХП атынан Құрылтай сайлауына кандидат ретінде ұсынылды
- ӘЧ-2026: Роналду мансабындағы соңғы әлем чемпионатынан кейін мәлімдеме жасады
- Жетісуда ер адам кәмелетке толмаған қыздың жалаңаш бейнесін заңсыз таратып, ұсталды
- Қырғызстанда ҰҚК-ні тазарту жалғасуда: Арнайы қызметтің бұрынғы орынбасары ұсталды
- Конституциялық Сот: Тоқаев сайлауға түсуге құқылы
