«El Arna» телеарнасы жабылды

«El Arna» және «Хабар» телеарналары біріктірілді, деп хабарлайды Orda.kz.

Мәдениет және ақпарат министрі Аида Балаева бұл өзгеріс туралы Facebook парақшасында жазды.

«El Arna» телеарнасын «Хабар» телеарнасына біріктіру 2025 жылдың 1 мамырына дейін аяқталады. Барлық құнды контент «Хабар» арнасының эфиріне өтеді. Бұл үздік жобалардың сақталуына, оларды кең аудиторияға қолжетімді етуге және әрі қарай дамытуға мүмкіндік береді.

Министрдің айтуынша, «El Arna» телеарнасының бағдарламаларын өндіру және таратуға бөлінген қаржы «24KZ» және «Хабар» сияқты стратегиялық маңызды телеарналардың контентін күшейтуге және техникалық базасын уақтылы жаңартуға бағытталады.

Бұған дейін, «El Arna» жабылатыны туралы журналист Диас Нұрақын айтқан еді.