«Екінші мәрте»: Оңтүстік Кореяның экс-президенті қайтадан қамауға алынды

Оңтүстік Кореяның Сеул орталық аудандық соты бұрынғы президент Юн Сок Ёльді тұтқындауға екінші мәрте санкция берді, деп хабарлайды Orda.kz.

Бұл шешім арнайы прокурор Чо Юн Соктың өтінішінен кейін қабылданды. Сот экс-президентті арнайы мекемеге жеткізуге бұйрық берген. Алайда, Юн Сок Ёль денсаулығына байланысты сот отырысына қатысудан бас тартқан. Ол сырттай өтініш жолдап, сот отырысына қатыспай-ақ қарауды сұраған. Судья бұл өтінішті қабыл алып, сотты экс-президентсіз өткізіп, куәгерлерден жауап алды.

Айта кетейік, 2024 жылдың 3 желтоқсанында Юн Сок Ёль елде әскери жағдай енгізген болатын. Осыдан кейін парламент оны билікті басып алуға әрекет жасады деп айыптап, оған импичмент жариялады. Қаңтар айында экс-президент қамауға алынған, ал сәуірде қызметінен біржола шеттетілді.

Бір ай бұрын елде президенттік сайлау өтіп, билікке 61 жастағы Ли Чжэ Мён бастаған «Тобуро» демократиялық партиясы келді.