Екібастұзда мола өртенді

Екібастұздағы зиратта құрғақ шөп тұтанып, мола өртке оранды, деп хабарлайды Orda.kz.

Екібастұз қалалық төтенше жағдайлар департаментінің мәліметінше, өрт 6 сәуір күні түскі уақытта басталған. Өрттің шығу себебі зират аумағында құрғақ шөп тұтанып кеткен. Өрт шыққан аумақ жалпы 500 шаршы метр жерді алды. Қазіргі таңда өрт толығымен сөндірілді, зардап шеккендер жоқ.

Еске салай кетейік, осыған дейін Алматы облысындағы Көлсай көліне жақын орналасқан Саты ауылында зираттарды қиратқан адам ұсталды. Ер адамға вандализм фактісі бойынша қылмыстық іс қозғалды.