«Екі жыл бойы қысым көрді»: Атыраудағы оқушы қызды пышақтауға мектептегі буллинг себеп болған

Атыраудағы Дінмұхамед Қонаев атындағы BINOM мектебінде болған шабуылдан кейін ұсталған 9-сынып оқушысының анасы ұлы бірнеше жыл бойы сыныптастары тарапынан буллингке ұшырағанын мәлімдеді, деп хабарлайды Orda.kz «Ақ Жайық» басылымына сілтеме жасап. 

Оқушының анасы мұғалімдерге жасаған шағымдар нақты нәтиже бермегенін айтты. 

13 наурызда 9-сынып оқушысы 8-сынып оқушысын өткір затпен жаралаған. Қыздың мойыны, кеуде тұсы мен қолы жарақаттанған. Дәрігерлер қызды реанимациядан хирургиялық бөлімге ауыстырды. 

Баланың анасы ұлы BINOM мектебіне келгенге дейін қалыпты оқығанын және гуманитарлық пәндерге ерекше қызығушылық танытқанын айтады. 2023 жылы, 6-сыныпты бітіргеннен кейін ата-ана баласын BINOM-ға ауыстыруға шешім қабылдаған. Уақыт өте келе баланың мінез-құлқы өзгере бастаған. Кейін бала сыныптастарынан қысым көріп жүргенін айта бастаған.

Анасының айтуынша, қыздар оның сырт келбетін, жүрісін талқылайды екен. Уақыт өте келе буллинг тұрақты түрде жалғасқан.  Сыныптастар оның сырт келбеті, жүріс-тұрысы, мінез-құлқы және тері мәселелерін талқылаған.

Анасы мұғалімдер біле тұра жағдайға араласпағанына шағымданды. Қылмыс болмай тұрып ұлының денсаулығы да нашарлағанын айтты. 

Отбасы баланы басқа сыныпқа немесе мектепке ауыстыру мүмкіндігін қарастырған. Бірақ ұлы қарсы болыпты. Қазіргі уақытта оқиғаға қатысты құқық қорғау органдары тергеу жүргізуде. Қазір 9- сынып оқушысы тергеу изоляторында отыр.

Оқи отырыңыз:

• Стамбұл әуежайында түрік актрисасы Ханде Эрчел ұсталды
• Қатарында басшылар да бар: Ұлытауда бәс тіккен 30-дан аса мемлекеттік қызметкер жұмыстан қуылды