Екі оқ тиіп жараланған Берденов ауруханада есін жиды

Кеше түнде бес рет оқ атылып оның екеуі өкпесі мен бүйрегіне тиген Руслан Берденов ауруханада есін жиды, деп хабарлайды Orda.kz.

Екі оқ тиіп ауруханаға түскен қала әкімінің орынбасары Берденов ауруханада есін жиды және сөйлеуге шамасы келді. Алайда оның жағдайы әлі де ауыр әрі бір қалыпты деп бағаланып отыр.

Сонымен қатар, Шымкент қалалық денсаулық сақтау басқарма басшысының орынбасары Бақытжан Абдуллаевтың айтуынша, шұғыл операция барысында қан кету тоқтатылып, жарақаттанудан болған зақым қалпына келтірілді, өміріне аса қатты қауіп жоқ. 

Дегенмен де, Бердеовтің жағдайы тұрақты ауыр деп бағаланады. Ол дәрігерлердің тұрақты бақылауында және барлық қажетті медициналық көмекті алып жатыр.

Еске салсақ,  Шымкентте қала әкімінің орынбасары Руслан Берденовке қарулы шабуыл жасалды. Оқиға 21 сәуір күні кешкі сағат 20:30 шамасында қалалық әкімдік ғимаратының жанында болған еді.