Екі қалада ұйымдасқан қылмыстық топтың жетекшісі мен мүшелері сотталды

Қазақстанның екі қаласында ауқымды арнайы операция жүргізіліп, ұйымдасқан қылмыстық топтың жетекшісі мен мүшелері сотталды, деп хабарлайды Orda.kz.       

Тараз қаласында есірткі және күшті әсер ететін дәрілік препараттарды заңсыз сатумен айналысқан ұйымдасқан қылмыстық топқа қатысты қылмыстық іс аяқталды.

Арнайы операция барысында Тараз және Алматы қалаларында полиция қызметкерлері тінту жүргізіп, жүздеген ампула мен таблетканы тәркіледі. Олардың қатарында айналымы қатаң бақылауға алынған «Трамадол», «Тропикамид», «Сомнол» және басқа да дәрілік препараттар болған.

Тергеу мәліметінше, қылмыстық схеманы ұйымдастырған — Тараз қаласының 60 жастағы тұрғыны. Сот оны 17 жылға бас бостандығынан айырды, ал екі сыбайласы әрқайсысы 15 жылға сотталды.

Бейне: Жамбыл облысы Полиция департаменті

Оқи отырыңыз:

• Түркістанда сұмдық жол апаты болып, полиция капитаны қаза тапты
• Ақтөбеде ер адамды бірнеше сағат бойы ұрып-соғып, көлігін біреудің атына рәсімдеуді талап еткен