Джули Стаффт АҚШ-тың Қазақстандағы елшісі болып тағайындалды

АҚШ сенаты Джули Стаффтты Қазақстандағы елші қызметіне тағайындады, деп хабарлайды Orda.kz.

Дауыс беру 6 қазанда өтті. Джули Стаффтың АҚШ-тың Қазақстандағы елшісі болуы мүмкін екені шілде айының басында белгілі болды.

Стаффт — ширек ғасырлық тәжірибесі бар дипломат. Ол бұған дейін Молдовадағы дипломатиялық миссия басшысының орынбасары болып жұмыс істеді. Сонымен қатар, АҚШ-тың Ресейдегі өкілдігінде қызмет етті.

Стаффт бірнеше тілді, соның ішінде орыс және поляк тілдерін біледі. Шілде айының соңында Джули Стаффт ҚР энергетикасына американдық инвесторларды тарту жоспарлары туралы айтты.

АҚШ-тың Қазақстандағы бұрынғы елшісі Дэниел Розенблум 2025 жылдың қаңтарында 28 жылға жуық қызмет еткеннен кейін зейнетке шығуға шешім қабылдады. 

Айта кетейік, бұған дейін Джули Стаффт қазақстандық билікке экспорттың баламалы бағыттарын іздеуге көмектесуге дайын екенін айтқан еді.