Дрондар Солтүстік Корея шекарасын кесіп өтті: Ким Чен Ын Оңтүстік Корея президентінің кешірімін қабылдады

Ким Чен Ын Оңтүстік Корея президенті Ли Чжэ Меннің ұшқышсыз аппараттар оқиғасына байланысты кешірімін қабылдады, деп хабарлайды Orda.kz Кореяның орталық телеграф агенттігіне сілтеме жасап. 

Ким Чен Ын Солтүстік Корея шекарасын кесіп өткен дрондар оқиғасына қатысты Оңтүстік Корея президенті Ли Чжэ Меннің кешірімін қабылдағанын хабарлады. 

Бұған дейін Оңтүстік Корея президенті қажетсіз әскери шиеленіс тудырған жауапсыз және ойсыз әрекеттерге байланысты кешірім сұраған. 

Корея Халық Демократиялық Республикасы орталық ақпарат агенттігінің мәліметінше, Ким Чен Ын бұл қадамды адал әрі кең пейілді адамның әрекеті ретінде бағалаған. 

Алайда, елдің қол сұғылмайтын егемендігін бұзатын арандатулар қайталанса, Оңтүстік Корея бұрын-соңды болмаған ауыр зардаптарға тап болатынын мәлімдеді. 

Айта кетейік, 31 наурызда Солтүстік Корея бағытына қарай ұшқышсыз ұшу аппараты ұшты. Кейін Ли Чжэ Мен ұшырылған дрондар оқиғасына байланысты кешірім сұрады. 

Бірлескен әскери-полициялық жедел топ бұл жағдайды «жеке ауытқу» ретінде бағалады.

Оқи отырыңыз:

• Солтүстік Корея Оңтүстік Кореяға тағы да қоқыс салынған шарлар ұшырды
• Солтүстік Корея Жапон теңізі бағытына тағы да зымыран ұшырды
• Солтүстік Корея мектептерінде орыс тілі міндетті пән болып енгізілді