Солтүстік Корея Оңтүстік Кореяға тағы да қоқыс салынған шарлар ұшырды

Оңтүстік Кореяның әскери қолбасшылығы КХДР өз аумағынан қоқыс салынған әуе шарларының кезекті партиясын ұшырғанын мәлімдеді, деп хабарлайды ВВС.

Сеул қаласының әкімшілігі қалада Солтүстік Кореяның үгіт-насихат парақшалары бар белгісіз нысанның ұшып бара жатқаны туралы тұрғындарға SMS жолдады.

Әскерилер азаматтардан оларға жақындамауды және олардың табылғаны туралы жақын жердегі әскери немесе полиция органдарына хабарлауды сұрады.

«Біз Солтүстік Кореяға өзінің адамгершілікке жатпайтын және өрескел әрекеттерін дереу тоқтатуын қатаң ескертеміз», - деді Оңтүстік Кореяның Біріккен Штаб бастықтары.

Шарларды жіберер алдында Солтүстік Корея қорғаныс министрінің орынбасары Ким Ганг Ир республика аумағында Оңтүстік Корея таратқан үгіт-насихат материалдары байқалғанын айтты.

Еске салайық, 28 және 29 мамырда Солтүстік Корея Оңтүстік Кореяға қоқыс пен нәжіс толтырылған 260-қа жуық шар жіберген болатын. Олар елдің әртүрлі жерлерінде құлап, оңтүстік-шығыс Оңтүстік Кёнсан провинциясына жетті.