Дональд Трамп Израиль мен Ливан арасындағы бітім туралы мәлімдеді

АҚШ президенті екі ел арасындағы бітімгерлік мерзімнің ұзарғаны туралы мәлімдеді, деп хабарлайды Orda.kz.

Бұл туралы ол өзінің Truth Social әлеуметтік желісіне жазды. Өз жазбасында Трамп АҚШ Ливанмен бірге Хезболладан өзін қорғауға көмектесетінін, Израиль мен Ливан арасындағы атысты тоқтату мерзімі үш аптаға ұзартылатынын жазды.

«АҚШ президенті Дональд Трамп, АҚШ вице-президенті, Д. Вэнс, мемлекеттік хатшы Марко Рубио, Израильдегі елші Майк Хакаби және Ливандағы елші Мишель Исса бүгін дөңгелек кабинетте Израиль мен Ливанның жоғары лауазымды өкілдерімен кездесті. Кездесу өте сәтті өтті! АҚШ Ливанмен бірге Хезболладан өзін қорғайды. Израиль мен Ливан арасындағы атысты тоқтату мерзімі үш аптаға ұзартылады» деп жазды Трамп. 

Сондай-ақ, ол жақын арада Израиль премьер-министрі Биби Нетаньяху мен Ливан президенті Жозеф Аунды қабылдауды асыға күтетінін де мәлімдеді.

Оқи отырыңыздар:

• Қазақстанда әскерден жалтарғандарға жаңа шара әзірленіп жатыр
• Президент БҰҰ-ның жоғары өкілдер тобымен кездесті, Оман премьер-министрі орынбасарын марапаттады
• Air Astana Дубайға рейстердің тоқтатылуын мамыр айының соңына дейін ұзартты