Дмитрий Бивол бұрынғы жұбайын сотта жеңіп шықты

Санкт-Петербургтегі Смольнин аудандық соты бокстан әлем чемпионы Дмитрий Биволдың пайдасына үкім шығарды. Ол бұрынғы жары Екатеринамен арадағы даулы іс бойынша сотқа жүгінген еді, деп хабарлайды Orda.kz. 

Сот Екатеринаның 2024 жылдың қыркүйегінен 2025 жылдың тамызына дейін Instagram мен Telegram желілерінде экс-жұбайы туралы жалған ақпарат таратқанын анықтады. Жариялаған мәліметтер шындыққа жанаспайтыны және спортшының ар-намысы мен іскерлік беделіне нұқсан келтірілгені расталды. 

Сот спортшының экс-жарын барлық платформаларда ресми түрде айтқан ақпаратының жалған екенін жариялауға міндеттеді.

Бұл шешім Дмитрий Биволдың беделін қорғауға бағытталған маңызды қадам болды.

Айта кетейік, Қырғызстан мен Қазақстанның ішкі істер министрлігі боксшы Дмитрий Биволдың бұрынғы жұбайы Екатерина Биволға қатысты тергеуге дейінгі тексеріс бастағанын хабарлады. Ол әлеуметтік желіде қазақ пен қырғыз халқын қорлап,  балағат сөздер айтты.