Биволдың бұрынғы әйелі қазақ пен қырғыз халқын қорлағаны үшін тергеуге алынды

Қырғызстанның ішкі істер министрлігі боксшы Дмитрий Биволдың бұрынғы жұбайы Екатерина Биволға қатысты тергеуге дейінгі тексеріс бастағанын хабарлады. Ол әлеуметтік желіде қазақ пен қырғыз халқын қорлап,  балағат сөздер айтқан, деп жазады Orda.kz.

ІІМ мәліметінше, Екатерина Бивол ұлтаралық құрмет қағидаттарын бұзған. Ведомство мұндай әрекеттерге жол берілмейтінін атап өтті.

«Тұрғылықты жеріне қарамастан, әр азамат құқық нормаларын сақтауға және араздық қоздыруға жол бермеуге тиіс. Қазіргі уақытта бұл факт тіркелді, тиісті сараптамалар тағайындалды», – деп мәлімдеді Қырғызстан ІІМ.

Министрлік тексеруді соңына дейін жеткізіп, әйелдің іс-әрекетіне құқықтық баға берілетінін айтты.

Ажырасқаннан кейін Екатерина Бивол әлеуметтік желілерде белсенді бола бастаған. Ол экс-күйеуі туралы жиі эмоционалды жазбалар жариялап, спортшыны алимент мөлшерін азайту үшін табысын жасырды деп айыптаған. Сондай-ақ оның жанкүйерлерін де сынаған.

Еске салайық, 34 жастағы Дмитрий Бивол — ресейлік және қырғызстандық боксшы. Ол жеңіл салмақтағы WBA, WBO және IBF тұжырымдары бойынша әлем чемпионы. Бивол мансабында Артур Бетербиевтен басқа ешкімге жеңілмеген. 24 қарсыласын (оның 12-сін нокаутпен) жеңген.

Айта кетейік, осыған дейін Мемлекеттік кірістер комитетінің төрағасы заңсыз бұйрықты орындағаны үшін айыппұл төледі.