Димаш Құдайберген жылдың ең үздік мәдениет қайраткері атанды

Қазақстанның Халық әртісі Димаш Құдайберген төртінші мәрте «Халықтың сүйіктісі – 2024» ұлттық сыйлығында «Жылдың ең үздік мәдениет қайраткері» атанды, деп хабарлайды Orda.kz.

Ел арасында үлкен құрметке ие бұл беделді сыйлық он аталым бойынша қоғамның жүрегіне жол тапқан тұлғаларды марапаттайды.

Әншінің ресми Instagram парақшасындағы ақпаратқа қарасақ, марапаттау рәсімі 2025 жылдың 16 қаңтарында өтеді.

Димаш дүние жүзіндегі жанкүйерлерін қуантып, Қазақстанның мәдени елшісі мәртебесін тағы да дәлелдеді.

Еске сала кетсек, Orda.kz Димаш Құдайбергеннің Distinctive International Arab Festivals Awards (DIAFA) атты халықаралық сыйлығымен марапатталғанын жазған болатын. Бұл сыйлығын әнші Бибігүл Төлегеноваға арнады.