Димаш Құдайберген Дубайда халықаралық DIAFA сыйлығымен марапатталды

Қазақстандық әнші Димаш Құдайберген Distinctive International Arab Festivals Awards (DIAFA) атты  халықаралық сыйлығымен марапатталды, деп хабарлайды Orda.kz.

Бұл туралы ол 2024 жылдың 28 қарашасында Instagram парақшасында мәлімдеді.

«Өнерге қосқан үлесі үшін DIAFA сыйлығына рахмет. Рахмет, Дубай, рахмет, DIAFA» деп жазды ол ұйымдастырушыларға және қала тұрғындарына алғысын білдіріп. 

DIAFA сыйлығы жыл сайын Дубайда беріледі. Ол қоғам өмірін жақсартуға қосқан үлесі мен жетістіктері үшін айырықша тұлғалар мен ұйымдарға табысталады. Салтанатты рәсім әлемдік деңгейдегі жұлдыздардың басын қосып, олардың халықаралық аренадағы беделін көрсетеді.