Дикий Арман тергеу изоляторында тамырын кесіп тастады

Бірнеше күн бұрын 2022 жылғы қаңтардағы жаппай тәртіпсіздік ұйымдастырды деп 20 жылға сотталған Дикий Арман деген лақап атпен танылған Арман Жұмагелдиев ҰҚК тергеу изоляторында тамырын кесіп тастады, деп хабарлайды Orda.kz.

Бұл туралы бүгін, 1 ақпанда сотталғанның адвокаты Евгений Яворский мәлімдеді.

«Бүгін мен Жұмагелдиевпен болған оқыс оқиға туралы инсайдерлік ақпарат алдым. Оған нақты не болғаны әлі белгісіз, бірақ менің мәліметім бойынша оның жағдайы ауыр. Бізге толық ақпарат беру үшін Бас прокурорға ресми түрде хабарласқым келеді. Оған нақты не себеп болды? Ол өз-өзіне қол жұмсады ма немесе оны пышақтады ма? Біз оған не болғанын білгіміз келеді», - деді Яворский.

Дегенмен қылмыстық тергеу комитеті адвокаттың Арман Жұмагелдиевтің жағдайы ауыр деген ақпаратын жоққа шығарды.

«Сотталған өзіне жеңіл жарақат салған. Дереу медициналық көмек көрсетілді. Денсаулық жағдайы қанағаттанарлық» деп жазылған хабарламада. 

Жұмагелдиев ерекше бақылауда, онымен психологтар жұмыс істеп жатыр.

Қылмыстық іздестіру департаменті оқиға бойынша қызметтік тексеру жүргізуді тапсырды.

Бұған дейін Арман Жұмагелдиев пен Арман Үсеновтың адвокаты Елена Жигалёнок оның қорғауындағылар мен басқа сотталғандардың сот үкімі жарияланғаннан кейін бірден Қазақстанның әртүрлі өңірлеріндегі басқа да түзеу мекемелеріне жеткізілгенін айтқан болатын.

Оның айтуынша бұл жағдай олардың қорғану құқығы мен конституциялық құқықтарын өрескел бұзады.

Біз Дикий Арман, Қайрат Құдайберген және басқаларының қандай жазаға кесілгені туралы жазған болатынбыз.