Депутаттар есірткі саудасына қатысқан шенеуніктерді өмір бойына бас бостандығынан айыруды ұсынды

Мәжіліс депутаты Асхат Аймағамбетов өзінің Telegram-арнасында есірткі бизнесіне қатысы бар шенеуніктерді өмір бойына жазалау туралы жазба қалдырды, деп хабарлайды Orda.kz.

22 қарашада Мәжілістегі «Аманат» партиясы фракциясы отырысында депутаттар есірткі құралдарының, психотроптық заттардың және олардың прекурсорларының заңсыз айналымына қарсы күрес мәселелерін қараған болатын.

Талқылаудың негізгі тақырыбы есірткінің заңсыз айналымын ұйымдастырушыларға жазаны қатайту бөлігінде осы саладағы заңнаманы қайта қарау болды.

«Депутаттар өндірушілерге жазаны қатайтуға дауыс берді, алайда, қоғамды қылмыстан қорғауы тиіс адамдардың есірткі бизнесіне араласуы одан да күрделі мәселе. Сондықтан біз қызмет бабын пайдаланып, ресурстар мен ақпаратқа қол жеткізе отырып, есірткінің заңсыз айналымына қатысқан шенеуніктерді өмір бойына бас бостандығынан айыру туралы норманы ұсындық. Егер олардың кінәсі дәлелденсе, мұндай әрекеттерге барынша қатаң жаза қолдану керек», - деп есептейді депутат. 

Ол ел Президенті есірткі бизнесі мен есірткі бизнесіне қарсы ымырасыз және дәйекті күрес жүргізіп жатқанын айтты.

«Қоғамға төніп тұрған ауыр қауіпті жоюға бағытталған нашақорлықпен күресудің кешенді жоспары бекітіліп, басқа да шаралар атқарылуда», - деп түйіндеді сөзін Асхат Аймағамбетов. 

Orda.kz бұған дейін оңай табыс іздеген жастарымыздың амалсыздықтан есірткі таратушыға айналып бара жатқандығы туралы зерттеу мақала жариялаған болатын.