Дастан Сәтпаев Бельгия қақпасына Қазақстан құрамасы үшін алғашқы голын соқты

Қазақстан құрамасының шабуылшысы Дастан Сәтпаев Бельгияға қарсы ойында ұлттық құрама сапындағы алғашқы голын соқты, деп хабарлайды Orda.kz.

Ойын астана стадионы – «Астана Аренада» – қазақстандық уақыт бойынша 19:00-де басталды. Матчтағы алғашқы голдың авторы 9-минутта Дастан Сәтпаев болды.

Қорғаныс шебінің қателігін пайдаланып, Дастан Сәтпаев жақын қашықтықтан қақпаны дәл көздеді.

Есеп — Қазақстан құрамасының пайдасына 1:0.

Айта кетейік, бұл гол Дастанның негізгі Қазақстан құрамасындағы алғашқы добы болып саналады. Еске сала кетейік, 17 жастағы шабуылшы ұлттық құрамадағы дебютін 2025 жылдың 22 наурызында Уэльс құрамасына қарсы матчта жасаған еді.

Биылғы жылдың басында 16 жасар «Қайрат» шабуылшысы Дастан Сәтбаев Лондонның клубына ауысатыны, «Челси» қазақстандық футболшыға рекордтық 4,3 миллион еуро төлейтіні сөз болған еді.