«Челси» жанкүйерлері Алматыда Борат баннерімен көзге түсті

Алматы Орталық стадионында болатын «Челси» мен «Астана» матчына Челсидің жанкүйерлері Бораттың суреті бар баннерді ала келіпті, деп хабарлайды Orda.kz. 

Ойын басталардың алдында Еуропадағы үздік клубтардың бірегейі саналатын ағылшындық «аристократтардың» жанкүйерлері Алматыға Борат бейнелеген үлкен баннермен келген. 

Ойын басталуға санаулы минуттар қалды. Бұл баннер жігіттердің жігерін қамшылар ма екен, оны ойын барысы көрсетеді.

Айта кетейік, «Астана» мен  «Челси» конференция лигасының 5-ші туры аясында жолығып жатыр. Осыған дейін біз «Челси» Алматының ауа-райына қалай шыдайды,  ойын алаңы мен стадион жанкүйерлерге қаншалықты дайын екендігі туралы жазған болатынбыз.