«БҰҰ көрмесінен 270 млн жымқырды»: Прокурор Олжас Ағабекті 12 жылға соттауды сұрап отыр

Қазақстанның сыбайлас жемқорлыққа қарсы қызметінің тергеуі нәтижесінде «Халықаралық жасыл технологиялар және инвестициялық жобалар орталығы» басқарма төрағасы Олжас Ағабеков ұсталған болатын. Прокурор оны 12 жыл бас бостандығынан айыруды сұрап отыр.

Бұл туралы Orda.kz хабарлады.

Оны БҰҰ аясында Дубайда өткен халықаралық көрмеге қатысуға бөлінген 270 миллион теңге жымқырды деген күдікпен тергеді. Өткен жылдың 30 қарашасынан 12 желтоқсанына дейін өткен көрме енді үлкен жанжалға ұласып отыр. Антикор министрлік қызметкерлеріне қатысты сотқа дейінгі тергеу басталғанын мәлімдеген болатын.

Айыптаушы тарап Олжас Ағабектің көрмеге арналған есеп-қисап шығындарын асыра бағаланғанын мәлімдейді. Есеп-қисап соңғы сомасы шамамен 330 миллион теңге болды. Есептегі сан іс жүзінде жұмсалған қаржыдан айтарлықтай асып түскен. Мысалы, есеп бойынша бейнероликтерге 16 миллион теңге жұмсау жоспарланған болса, іс жүзінде тек 3 миллион теңге ғана жұмсалды. Есеп-қисап бірнеше рет Ағабековтың нұсқауымен түзетіліпті.

Сонымен қатар, Ағабековтың «Karabatan Utility Solutions» компаниясынан 35 миллион теңге көлемінде пара алғанын, алайда ешқандай кеңес беру қызметтерін көрсетпегені анықталды.

Прокурор Ағабековты мемлекеттік қызметте лауазымдарды атқару құқығынан өмір бойына айыра отырып, 12 жылға бас бостандығынан айыру жазасын тағайындауды ұсынды.

Еске сала кетейік, Orda.kz бұған дейін Олжас Ағабековтің ұсталғаны жайлы жазған болатын.