Антикор Халықаралық жасыл технологиялар орталығының басшысын ұстады

Астанада "Халықаралық жасыл технологиялар және инвестициялық жобалар орталығы" КЕАҚ басқарма төрағасы Олжас Ағабеков ұсталды.

Бұл ақпаратты сыбайлас жемқорлыққа қарсы іс-қимыл агенттігі растады.

Кейбір ақпарат құралдарының хабарлауынша, ол Дубайдағы павильонға бөлінген 270 миллион теңге қаржыны жымқырды деген күдікке ілінген.

Бұған дейін антикордың Дубайда өткен көрмеге байланысты экология және табиғи ресурстар вице-министрі Мансұр Өшірбаевқа қатысты тергеу жүргізіп жатқаны хабарланған еді.