БҰҰ ескерту жасады: Ливияда шенеуніктің өлімінен кейін қақтығыс болды

Ливияда жергілікті билік өкілдерінің бірінің өлімінен кейін, қақтығыс болды, деп хабарлайды Orda.kz.

DW-ның мәліметінше, Ливия астанасы Триполиде президенттік кеңестегі аппарат басшысы Абдельгани аль-Кикли өлімінен кейін қарулы қақтығыстар болды. Әскери және қарулы қақтығыстар салдарынан туындаған атыс 12-нен 13 мамырға қараған түні болып, халықтың жағасын ұстатты. Ақыры Триполиде төтенше жағдай енгізіліп, әуежайдың жұмысы уақытша тоқтатылды.

Екі тарап арасындағы дау басталған сәтте, БҰҰ атысты тоқтатуға шақырды.

«Біздің міндетіміз - тараптарды атысты дереу тоқтатуға және бейбітшілікті қалпына келтіруге шақыру. Біз оларға бейбіт тұрғындарды қорғау жөніндегі міндеттемелердің бәрін еске саламыз және бейбіт тұрғындар мен азаматтық нысандарға жасалған шабуылдар әскери қылмысқа айналуы мүмкін екенін ескертеміз» деп жазылған БҰҰ миссиясының хабарламасында.

Ал 13 мамыр күні таңертең Ливияның қорғаныс министрлігі атыстың тоқтағаны туралы мәлімдеді.

Еске сала кетейік, Үндістан мен Пәкістан  атысты тоқтатуға келіскен болатын.