«Бұл видео көктемде түсірілген»: Зәкиева Ақтөбеде нағашы апайынан қорыққан 5 бала туралы пікір білдірді

Балалар омбудсмені Динара Зәкиева Ақтөбе қаласында жалғызбасты әйелдің 5 баласы түсірген бейнеүндеу көктемде түсірілгенін, кейін анасы балаларымен қауышып дағдарыс орталығында тұрғанын мәлімдеді, деп хабарлайды Orda.kz. 

Динара Зәкиева қазірде балалардың анасына қойылған диагнозды алып тастау мәселесі бойынша Алматыда екенін айтты. 

Айта кетейік, бұған дейін Orda.kz тілшісі бұл мән-жайды анықтап қойған еді. Тілшіміз балалардың өмірлік қиын жағдайға тап болған балаларды қолдау орталығынан сұрастырған болатын. «Аяла» әлеуметтік орталығының директоры Гүлбаршын Жиенқұлованың айтуынша, 2025 жылы 15 сәуір күні ата-анасының қарауынсыз қалуына байланысты 5 бала орталыққа орналасқан. Толығырақ  материалымыздан оқыңыз.