«Бұдан да қорқынышты істер жасағанбыз»: Яна Легкодимованы өлтірген жігіттердің хаттары жарияланды

Атыраудағы 23 жастағы Яна Легкодимованың өліміне қатысы бар Ризуан Хайржанов пен Алтынбек Катимовтың бір-біріне жазысқан хаттары жарияланды. Сотта прокурор оларды оқып берді, деп хабарлайды Orda.kz «Ақжайыққа» сілтеме жасап. 

Атырау сотындағы айыпталушылар орындығында Ризуан Хайржанов пен Алтынбек Катимов отыр. Прокурордың оқыған хатынан сотталушылардың қылмысқа қалай дайындалғанын білуге болады.

Екеуінің арасындағы диалогтан кісі өлтіру алдын-ала жоспарланғанын және бұл қылмысқа салқынқандылықпен кіріскенін, арнайы сыра сатып алғанын да аңғарамыз. 

Кейін бірі қызды қылқындырып, мойнын бұрау керегін айтқан. Олар мәйітті қайда қалай жасыруды және дәлелдерді қалай жоюды талқылады.

Олар қызды өлтіргеннен кейін денесінен құтылып, сыра мен шарап ішуге кетеді. Бір қызығы, хабарламаларынан ешқандай қорқыныш та, өкініш те байқалмайды. Олар тек қысқа-нұсқа хаттар мен көңілді эмодзилер жолдап, күнделікті нәрсені әңгіме етіп отырғандай көрінеді. 

Бұл реплика көпшілікті таң қалдырды. Олар қандай «қорқынышты» іс туралы айтып жатыр? Хабарламадан олардың Янаға жасаған істі олар «қорқынышты» деп санамайтыны байқалады. 

Әрі қарай олар жазадан қалай құтылуға болатынын талқылаған. Олар прокурорлардың бәрі пара алатынын айтады. 

Соттың мәліметінше, Ризуан Янаны көлікте тұншықтырып өлтірген. Ал Алтынбек ол шығып кетпеу үшін есікті ұстап тұрған. Осыдан кейін олар мәйітті Жайық өзеніне тастаған. Еріктілер қыздың денесін бір жылға жуық іздеді. Оның мәйіті осы жылдың маусым айында табылды.

Айта кетейік, 13 қазан күні Шымкентте 26 жастағы Диана Оңғарбаеваны аяусыз өлтірген 11-сынып оқушысының соты басталған еді.