Бостандық ауданында сайлау учаскесіне ЕҚЫҰ бақылаушылары келді

Бостандық ауданындағы сайлау учаскелерінде «Құрылтайға» түстен кейін дауыс берушілердің белсенділігі артып, ЕҚЫҰ-нің халықаралық бақылаушылары келген, деп хабарлайды Orda.kz.

Бостандық ауданындағы №239 сайлау учаскесінде таңертеңнен бері 246 адам дауыс беріп үлгерген. Учаскеде 6 бақылаушы жұмыс істеп жатыр.

Учаскелік сайлау комиссиясының төрағасы Гүлбану Қасабекованың айтуынша, тұрғындардың дауыс беруге белсенділігі түстен кейін арта бастаған. Оның сөзінше, сайлаушылар учаскеге көтеріңкі көңіл күймен келіп, өз таңдауын жасап жатыр.

Ал №240 сайлау учаскесінде 200-ден астам адам дауыс берген. Мұнда 7 бақылаушы жұмыс істеп отыр. Учаскелік сайлау комиссиясының төрағасы — Нұржан Нүсіпалиев.

Нүсіпалиевтің айтуынша, №240 сайлау учаскесіне ЕҚЫҰ-дан (Еуропадағы қауіпсіздік және ынтымақтастық ұйымы) халықаралық бақылаушылар келіп, сайлау тәртібінің сақталуын бақылаған.

Сонымен қатар, осы учаскеде қарт тұрғынның өтініші бойынша оның үйіне арнайы барып, дауыс беруіне жағдай жасалған.

Учаскеде көру қабілеті нашар азаматтарға арналған Брайль құрылғысы да дайын тұр.

Оқи отырыңыз:

• Алматыда Құрылтай депутаттарын сайлауға қатысу белсенділігі түстен кейін арта түсті
• Шетелдік байқаушылар Қазақстандағы Құрылтай сайлауы туралы не айтты?