«Болашақ» бағдарламасы бойынша бакалавриатқа грант беріледі

Қазақстан Мәжілісі «Болашақ» бағдарламасын кеңейту туралы норма қабылдады, деп хабарлады Orda.kz.

Депутат Асхат Аймағамбетовтің мәліметінше, Бағдарлама бойынша мектепте халықаралық олимпиадалар мен ғылыми жобалар конкурстарында жеңіске жеткен талапкерлерге шетелде бакалавриатта білім алуға мүмкіндік беру ұсынылды. 

Қазіргі уақытта «Болашақ» бағдарламасы тек магистратура мен докторантураға арналған.

«Жетекші шетелдік университеттер халықаралық олимпиадалардың жеңімпаздарына бірден бакалавриатқа грант ұсынады, соның нәтижесінде олар шетелге кетіп қалады. Осы кезеңде біз тиісті қолдау ұсына алмадық, сондықтан біз осындай дарынды жастардан жиі айырылып қалдық. Олар тек шетелде білім алып қоймай, кейін сол жақта қалып қояды», – деп түсіндірді Аймағамбетов.

Енді жағдай өзгереді деп сендірді ол: Қазақстанда жас таланттарды ұстап қалуға көбірек мүмкіндік пайда болады. «Болашақ» бағдарламасы бойынша гранттар мемлекеттік бюджеттен бөлінеді.
 
Orda.kz бұған дейін  «Болашақ» бағдарламасы бойынша шетелдік тағылымдамадан өтуге арналған мамандықтар тізіміне тағы 18 мамандық қосылғанын жазған болатын.