БҚО-да 10 жастағы қыз зорланғаннан кейін шенеуніктер тергеуге алынды

29 қыркүйек күні Зачаган кентіндегі № 20 орта мектеп маңында зорлық ісі тіркелді. Қылмыс болмастан бұрын ата-аналар сол мектепке барар жолдағы ағаштарды отап, шам орнату  керек екенін айтып, бірнеше рет шағымданған. Алайда Зачаган кентінің әкімдігі бұған салғырт қараған. Енді әкімдік қызметкерлері де тергеуге алынды, деп хабарлайды Orda.kz.

Шенеуніктер оқиға болғаннан кейін ғана жол бойындағы ағаштарды отауға тапсырма берген. Өз қызметтеріне салғырт қарағаны үшін Зачаган кенті әкімдігінің лауазымды қызметкерлеріне қатысты қылмыстық іс қозғалды. Соның барысында барлық мән-жай анықталып, процессуалдық шешім қабылданады. 

Айта кетейік, Ақтөбе облысында өгей әкесі зорлаған қыз бала тағы да зорлыққа ұшырады.