Биткоин құны тарихи шектен асты

Биткоиннің құны  73 мың долларға дейін көтерілді, деп хабарлайды Orda.kz

Binance сайтының деректеріне сәйкес,  биткоиннің құны 73,778 мың доллардан асты. Криптовалюта АҚШ-тағы сайлау аяқталғанға дейін тұрақсыз болады деген болжам бар. 

«Биткоин құны 10 пайыздан асып, 75 мың долларға дейін көтеріледі. Биткоин (BTC) АҚШ — тағы президенттік сайлау қарсаңында 71 мың доллардан асып түсті»,  деп хабарлайды CNB.

Криптовалюта құнының өсуі сайлауға түсіп жатқан Дональд Трамптың ашық қолдауына да  байланысты.

Бұған дейінгі АҚШ сайлауына қатысы бар адамдарға биткоин түрінде қаржы аударылғаны ФБР-дің  назарына іліккені туралы жазғанбыз. Себебі, Капитолийді басып алу ісі бойынша күдікті саналатын адамдардың есеп-шотына биткоин түрінде 500 мың доллар аударылғаны белгілі болған.