Бішкекте қазақстандықтар заңсыз колл-орталық ұйымдастырып, қолға түсті

Бішкекте 43 қызметкер, оның ішінде төрт кәмелетке толмаған адам ұсталды, деп хабарлайды Orda.kz. Қырғызстан ұлттық қауіпсіздік комитетінің баспасөз қызметіне сілтеме жасай отырып. 

Ұйымды Қазақстан азаматтары басқарған. Кибер алаяқтар екі ел азаматтарына тынымсыз қоңырау шалып, БАД қоспалары мен тұрмыстық техника сатып алуды ұсынып қана қоймай, психологиялық тұрғыдан әсер еткен.

Клиенттердің сеніміне кіріп алған олар лотерея билеттерін сатып алуға көндіріп, белгілі бір шоттарға ақша аударған адамдардың жеңіске жету мүмкіндігі едәуір артады деп уәде берген. Қылмыскерлердің құрбаны көбінесе зейнеткерлер.

Компания салық органында тiркелмеген, лотерея өткiзуге лицензиясы болмаған.

Операторлар «Baribarda» IP-телефония жүйесін пайдаланды, ал барлық серверлер мен кол-орталықтың деректер базасы Қазақстан аумағында орналасқан.

«Байланыс орталығы қызметінде заманауи байланыс құралдарын және қаржылық пайда табу мақсатында азаматтардың санасын манипуляциялау әдістерін пайдаланатын мемлекетаралық қамтумен ұйымдасқан қылмыстық схеманың белгілері бар» деп жазылған Қырғызстан Ұлттық қауіпсіздік комитетінің хабарламасында.

Тінту барысында 43 ұялы телефон, 78 ноутбук және ұйым қызметіне қатысы бар түрлі құжаттар тәркіленді. Тергеу жалғасуда.

Жыл басында Қарағанды облысында хакерлік бағдарламалық жасақтама жасаған кибер алаяқтар ұсталды.

Жамбыл облысында 2024 жылы киберқылмыс саны 30%-ға өсіп,  алаяқтармен күресу үшін телеграм боты іске қосылды.