Белсенді Ақылбек Мұратов Қазақстаннан кетті

Қазақстандағы қарақалпақ диаспорасының жетекшісі, белсенді Ақылбек Мұратов (Мұратбай) Қазақстаннан кетті, деп хабарлайды Orda.kz.

Қарақалпақ құқық қорғаушысы Ақылбек Мұратбай Өзбекстанға экстрадициялану қаупі төнгеннен кейін Қазақстаннан кетті. 

«6 қарашаға қараған түні Ақылбек он жылдан астам уақыт тұрған елден кетті. Егер ол 10 қарашаға дейін ұшып үлгермегенде, Өзбекстанға экстрадициялануы мүмкін еді. Ол жақта Мұратбайға «конституциялық құрылымға қол сұғу» бабы бойынша айып тағылған» деп жазды бюро.

Ақылбек 15 ақпанда Алматыдағы тергеу изоляторынан босатылды. Оның оқиғасын біз бұған дейін толық баяндағанбыз.