Бас прокуратура мемлекетке келтірілген 66,5 млрд теңге залалды анықтады

Бас прокуратура жүргізген талдау арқылы соңғы екі жылда қаралған қылмыстық істер бойынша мемлекетке жалпы 66,5 млрд теңге залал келтірілгені белгілі болды, деп хабарлайды Orda.kz.       

Мемлекет мүддесін қорғау  жай ғана міндет емес, прокуратура органдары қызметінің негізгі басым бағыттарының бірі. Прокуратура органдары қылмыс салдарынан мемлекетке келтірілген және өтелмей қалған залалды анықтау, сондай-ақ қаражаттың бюджетке нақты қайтарылуын қамтамасыз ету бойынша жүйелі жұмыстарын жалғастыруда.

Бұл ретте 30,1 млрд теңге мүлдем өндірілмей қалған. Қалыптасқан жағдайдың негізгі себептерінің бірі уәкілетті мемлекеттік органдардың мемлекетке келтірілген залалды өндіру туралы талап қоюларды бермеуі.

Талдау қорытындысы бойынша Бас прокуратура мемлекеттің мүліктік мүдделерін қалпына келтіруге бағытталған мақсатты жұмыс ұйымдастырды.

Прокурорлар жалпы сомасы 30,1 млрд теңгеге 6 ұсыну, 3 наразылық және 27 талап қою енгізді. Қабылданған шаралардың нәтижесінде 651 млн теңге мемлекет кірісіне нақты өндірілді. Залалдың қалған бөлігін өндіру туралы талап қаралып жатыр.

Прокуратура қабылдаған шаралардан кейін уәкілетті орган сотқа жүгініп, 575,9 млн теңгені мемлекет пайдасына өндірді. Бұл прокуратураның мемлекет мүддесін қорғауға бағытталған жұмысының нақты нәтижелерінің бірі.

Басты мақсат нақты нәтижеге қол жеткізу, мемлекеттің мүліктік мүдделерін қалпына келтіріп, қаражаттың бюджетке нақты қайтарылуын қамтамасыз ету. Бюджетке қайтарылған әрбір теңге  мемлекет пен қоғам игілігіне қызмет етуге тиісті қаражат.

Оқи отырыңыз:

• «Қара түтінге тұншықтық»: Алматыдағы тұрғын үй кешенінен өрт шықты
• Қазақстандықтардың шетелден Құрылтай сайлауына қатысу көрсеткіші 84,8 пайыз болды