Бала баққан әке зейнетақыдан қағылмайды: Әлеуметтік кодекстегі тиімді түзету

Өкімет бала күтіміне байланысты үйде отыратын аналар мен әкелердің құқықтарын теңестіргісі келеді, деп хабарлайды Orda.kz.

Әлеуметтік кодекске енгізілген түзету бойынша жұмыс істемейтін әкелерге де үш жасқа дейінгі бала күтімі кезеңінде зейнетақы өтілі қосылады.  Бұл бұрын тек аналарға қолданылатын.

Конституциялық сот бұрынғы норманы кемсітушілік деп танып, оны қайта қарауды талап етті. Түзетулер отбасында негізгі тәрбиеші рөлін таңдаған әкенің зейнетақы құқығынан айырылмайтынын білдіреді. Бұл анасы жұмыс істеп, мансап құрған отбасылар үшін өте маңызды, ал әке еш қиналмай балаларымен үйде қалады.

«Бүгінде Қазақстанда 900-ге жуық әкелер бала бағып, бір жарым жасқа дейін әлеуметтік жәрдемақы алады» деп хабарлайды Еңбек және халықты әлеуметтік қорғау министрлігі. 

Бұған дейін сарапшылар: егер өзгеріс енгізілмесе, бала күтіміне байланысты ресми демалыс алған мыңдаған ер адам зейнетақы өтілінің бір бөлігінен айрылу қаупін төнетінін айтқан болатын. Енді олар да әйелдермен бірдей зейнетақы ұпайын жинауға мүмкіндік алады.

Былтыр Ақтауда декреттік демалыста жүрген әскери өз-өзіне қол жұмсады. Естеріңізге сала кетейік, Қазақстанда баланың жақын туыстары - анасы, әкесі, атасы мен әжесі бала күтіміне байланысты демалысты үш жылға дейін пайдалана алады.