Ақтауда декреттік демалыста жүрген әскери өз-өзіне қол жұмсады

Ақтауда 39 жастағы әскери қызметкердің мәйіті өз пәтерінен табылды, деп хабарлады Orda.kz.

«28 қыркүйекте 1985 жылы дүниеге келген келісімшарт бойынша әскери қызмет етіп жүрген азаматтың денесі тұрғылықты жеріндегі пәтерінен табылды. Әскери қызметкер бір жылға жуық бала күтіміне байланысты демалыста болған. Келісімшарт бойынша әскери қызметші отбасындағы кикілжің салдарынан өз-өзіне қол жұмсаған. Себептері мен мән-жайы анықталуда. Аталған факті бойынша қылмыстық іс қозғалды. Әуе қорғанысы күштері қолбасшылығы әскери қызметшінің отбасы мен жақындарына көңіл айтады»,  деп мәлімдеді Ақтау гарнизонының баспасөз қызметі.

Естеріңізге сала кетейік, Қазақстанда баланың жақын туыстары - анасы, әкесі, атасы мен әжесі бала күтіміне байланысты демалысты үш жылға дейін пайдалана алады.