Бакуден ұшып келе жатқан ұшақ шұғыл түрде Ақтауға қонды

Бакуден ұшып келе жатқан ұшақтардың бірінен ақау шығып, ұшақ жедел түрде Ақтау әуежайына қонды, деп хабарлайды Orda.kz

Ақтауға Бакуден (Әзірбайжан) ұшқан ұшақтан ақау шыққаны белгілі болды. Бортта жолаушылар болған жоқ, деп хабарлайды Tengrinews.kz .

«Қону штаттық режимде болды, қонғаннан кейін әуе кемесінде (Баку – Ақтау бағыты) ақау болғаны расталды» делінген хабарламада.

Әуежай мен жердегі қызметтер әуе кемесін ұшу-қону жолағына дейін сүйреп апарды.

Қазір әуежай ашық, штаттық режимде жұмыс істейді, деп қосты министрлік. Азаматтық авиация комитетінің баспасөз қызметі бұл оқиғаның сағат 09:04-те болғанын толықтырды.

«ASG Business Aviation LLC әуекомпаниясының G450 әуе кемесі қонды. Қону штаттық режимде өтті. 11/29 ұшу-қону жолағына бұрылу кезінде экипаж шассиінің тұмсық тірегін басқаруда қиындықтар болған. Аэродромнан сүйреткіш көлік шақырылды. Кеме тұрақ орнына жеткізілді»,  деп атап өтті комитет

Еске сала кетейік, 25 желтоқсан Azerbaijan Airlines-тің Баку-Грозный бағытында ұшып келе жатқан AHY8243 нөмірлі ұшақ Ақтау қаласына құлады. Нәтижесінде 38 адам қаза тапты.

Әуе апатына ұшыраған ұшақтың жолаушысы Заира Ацаева қыздарына соңғы сәлемдемесін ұшақта отырып жолдады.