«Байбектің жұбайымен таныс»: Экс-судья Светлана Жолманованың алаяқтығы ашылды

Бүгін, 18 сәуір Медеу аудандық сотында экс-судья Светлана Жолманованың ісі бойынша сот отырысы өтті. Мемлекеттік айыптаушы айыптау актісін оқыды. Экс-судьяға тағылған айыптар белгілі болды.

Orda.kz тілшісі сотқа қатысып, мән-жайды анықтады. 

Бүгін Медеу аудандық сотында экс-судья Светлана Жолмановаға қатысты сот отырысы өтті. Сот отырысы Жолманова келмей қойғаннан кейін, бұған дейін бес рет кейінге шегерілген. 

Сот отырысын тек алтыншы шақырудан кейін  ғана бастау мүмкін болды. Уақытша қамау изоляторында отырған айыпталушы сотқа барудан бас тартты. Судья Қанат Арынов тараптардың пікірін тыңдады. Бұл тергеуді бастауға жасалған алтыншы әрекет болғандықтан, отырысты оның қатысуынсыз жалғастыруға рұқсат берді.

Айыптау актісінде не айтылды?

Светлана Жолмановаға Қазақстан Республикасы ҚК 190-бабы 4-бөлігінің 2-тармағы, «Аса ірі көлемдегі алаяқтық» бабы негізінде айып тағылған. 48 қылмыстық эпизод бойынша айыпталушы ретінде танылды. 18 сәуір күні мемлекеттік айыптаушы Раушан Абдулла айыптау актісінің 17 эпизодын оқып шықты.

Тергеу мәліметіне сәйкес, 2021 жылдан 2024 жылдар аралығында Светлана Жолманова алаяқтық жолмен 1 млрд теңге иемденген.  Жолманова адамдарды алдап, олардың қаражатын өз жобаларына инвестицияға беруге көндірген, ал бұл жобаларды ол Алматы әкімдігіндегі таныстары арқылы алып отырамын деп сендірген. Ол Алматының бұрынғы әкімі Бауыржан Байбектің жұбайы – Жанар Байбекпен достығын алға тартқан.

«Барлық жәбірленушілерге ол Жанар есімді құрбысы туралы айтатын. Оның айтуынша, бұл – сол кездегі Алматы қаласының әкімі Бауыржан Байбектің жұбайы болған», – деп айтылған айыптау актісінде.

Сондай-ақ, айыптау актісінде Жолманова судья қызметінен кетсе де, жәбірленушіден ақша алып отырған. 

Сот отырысы келесі аптада жалғасады. 

Желтоқсанда экс-судья Светлана Жолманова президент Қасым-Жомарт Тоқаевтан көмек сұрады. Жария болған бейне үндеуде өзіне қол жұмсауға да дайын екенін айтып, өз өліміне Алматы қалалық сотының төрағасы Асқар Смайыловты кінәлайтынын айтты.