Бәрі екпе алмайынша, ешқайсымыз қауіпсіздікте емеспіз – Цой

Денсаулық сақтау министрі Алексей Цой Нұр-Сұлтан №4 қалалық емханасының жаппай вакциналауға дайындығымен танысты.

Бұл туралы Orda.kz Денсаулық сақтау министрлігінің баспасөз қызметіне сілтеме жасап хабарлады.

Дүниежүзілік денсаулық күні жыл сайын 7 сәуірде ДДҰ бастамасымен атап өтіледі. 2021 Дүниежүзілік денсаулық күніне арналған ұран - «Дүниені сау етіп құру».

– Әлемдегі және біздің елдегі күрделі эпидемиялық жағдайды ескере отырып, мен тұрғындарды өз денсаулығын сақтау үшін бірлескен жауапкершілікті сезінуге және тіркелген жеріндегі емханаларда екпе алуға шақырамын, - деді Алексей Цой.

Еске салсақ, Нұр-Сұлтанда егу жұмыстары алдын ала жазылу арқылы жүзеге асырылады.