Ауылдасын айуандықпен өлтіріп, мәйітін ауласына көмген түркістандық сотталды

Түркістан облыстық қылмыстық істер жөніндегі мамандандырылған ауданаралық соты ауылдасын азаптап өлтірген ер адамға үкім шығарды, деп хабарлайды Orda.kz. 

Жетісай ауданы Алғабас ауылында 38 жастағы Әйгерім Әжікееваны зорлап, кейін азаптап өлтіріп, денесін ауласына көміп тастаған Ералхан Төреханов 20 жылға бас бостандығынан айырылды. 27 жастағы жігіт жазасын қауіпсіздігі барынша қатаң режимдегі түрмеде өтейді. Сотталушы айыпты мойындағанымен үкіммен келіспеді. 

Судья марқұмның анасы Мейрамгүл Бердіәлиеваның азаматтық талап-арызын ішінара қанағаттандырып, оған сотталушыдан 10 млн теңге көлемінде моральдық залал өндірді. Сотталушыға моральдық залалды 1 ай ішінде төлеу міндеттелді.

Сот жаза тағайындау кезінде оның бұрын сотты болғаны, қылмыс жасауды қайталағаны ескерілгенін атап өтті. Айта кетейік,  2004 жылы Мақтаарал аудандық соты Төрехановты қылмыстық жауаптылықтан босатып, стационарлық-психиатриялық ауруханаға еріксіз емдеуге жіберген. 2013 жылы ауыр қылмыс жасағаны үшін 10 жылға бас бостандығынан айырылған.

Марқұм Әйгерім Әжікееваның азапты өлімі мен қанды қылмыс жайында Orda.kz тілшісі дайындаған материалдан оқи аласыз.