Трамп: тәліптер Ресей мен Қытайға американдық қару-жарақ сатып жатыр

Трамп тәліптер Ауғанстанда қалған  американдық қару-жарақты  Ресей мен  Қытайға  сататынын мәлімдеді.

АҚШ-тың бұрынғы президенті Дональд Трамп Ауғанстанда 700 мыңға жуық қару мен 70 мың АҚШ-та жасалған атыс  құралдарының қалғанын мәлімдеді. Экс-президенттің айтуынша, тәліптер Америкада жасалған  қару-жарақтарды, соның ішінде Apache тікұшақтарын басқа елдерге сатуда. Бұл нұсқаны ол Вашингтонның шетінде өткен АҚШ Республикалық партиясы консервативтік топтарының жыл сайынғы конференциясында жариялады.

— Жақында мен ауған тәліптері қару-жарақ сату бойынша әлемдегі екінші орында екенін оқыдым. Өйткені олар біздің бергенімізді сатып жатыр. Олар біз берген керемет, жаңа жабдықтардың бәрін сатады. Apache тікұшақтары, олар әлемдегі ең жақсысы. Оның біреуін Ресейге, бірін Қытайға берді. Олар оны бөлшектеп, көшіріп алады. Енді олар оны да жасап шығарады, өйткені олар өте ақылды, - деді экс-президент.

Оның пікірінше, америкалық күштер Ауғанстаннан шығарылғаннан кейін бұл елде қазір Ресей мен Қытайға сатылып жатқан керемет көлемдегі қару-жарақтар қалды.